प्रशिक्षक कोजी – “लक्ष्य साफ च्याम्पियनसिप”

खेलकूद

काठमाडौं – नेपाल राष्ट्रिय टोलीका प्रशिक्षक ग्यातुकी कोजीले इन्डोनेसियसाको जाकार्तामा भदौको पहिलो साताबाट सुरु हुने एसियाली खेलकुदलाई साफ च्याम्पियनसिपको तयारीको रुपमा हेरेका छन्।

यू २३ टोलीको प्रशिक्षण गरिरहेका कोजीले बंगलादेशमा हुने साफ च्याम्पियनशिपलाई प्राथमिकताको रुपले हेरेका छन्। “हाम्रो लक्ष्य साफ च्याम्पियनसिप हो। एसियन गेम्स साफका लागि तयारी हो”, उनले आइतबारको प्रशिक्षण पछि मिडियासँग भने।

त्यस्तै कोजीले टोलीको फिटनेसलाई लिएर चिन्तित रहेको बताए, “अहिले हामी टोलीमा फिटनेसलाई मध्यनजर गर्दै प्रशिक्षण गराउँदै छौं। यसले राम्रो नतिजा पनि दिन सक्छ। तर नयाँ प्रयोग भएका कारण नकारात्मक नतिजा आउने सम्भावना रहेकोले म चिन्तित छु”, उनले थपे। त्यस्तै प्रशिक्षक कोजीले टोलीलाई मैत्रीपूर्ण खेलहरुको आवश्यकता रहेको पनि बताए।

यू-२३ टोलीमा ३ सिनियर टोलीका खेलाडीहरुलाई स्थान दिने प्रावधान छ, जसमध्ये कोजीको रोजाईमा परेका स्ट्राइकर भरत खवासले चोटका कारण प्रतियोगिता गुमाउने पक्का भएको छ।

Leave a Reply

Your email address will not be published. Required fields are marked *