हाजार्ड भित्र्याउन रियलको अन्तिम प्रयास

खेलकूद

मड्रिड (एजेन्सी) – स्पेनिस महारथी रियल म्याड्रिडले चेल्सी तथा बेल्जियमका स्टार इडेन हाजार्डलाई क्लबमा अनुबन्ध गर्न अन्तिम प्रयास थालेको छ । क्लबले यस सिजनको समर ट्रान्सफर सकिनुअघि नै चेल्सीका अट्याकिङ मिडफिलडर हाजार्डलाई क्लबमा अनुबन्ध गर्ने अन्तिम प्रयास थाल्ने भएको हो ।

स्पेनमा ३१ अगस्टसम्म समर ट्रान्सफर खुल्ला छ । आफ्नो स्टार खेलाडी क्रिस्टियानो रोनाल्डो इटालियन क्लब युभेन्टस् प्रस्थानसँगै उनको स्थानमा ‘मार्की’ खेलाडी अनुबन्ध गर्न सकेको छैन । रियलका मुख्य प्रशिक्षक जुलेन लोप्टेगुईले रोनाल्डोको विकल्पको रुपमा ग्यारेथ बेल र करिम बेन्जेमालाई अघि सारेपनि उनीहरुले आशतित प्रदर्शन गर्न नसकेपछि रोनाल्डोको स्तर जत्तिकैको खेलाडीको रुपमा हाजार्डलाई क्लबमा अनुबन्ध गर्ने योजनामा छ ।

रियलले २७ वर्षीय हाजार्डलाई लामो समयको लालि क्लबमा अनुबन्ध गर्ने योजना हुनेछ । बेल्जियमका स्टार हाजार्डले लन्डनमा ६ वर्ष विताएको र अब केही परिवर्तन चाहेको बताएका थिए । तर, एक साताअघि मात्रै आफु चेल्सीमा खुशी रहेको प्रतिक्रिया दिएका थिए ।

चेल्सीका प्रशिक्षक मौरिजियो सार्रीले पनि हाजार्डलाई क्लबमै राख्न चाहेका छन् । पहिलो रोजाईका गोलरक्षक थिवाउट कोर्टुवालाई गुमाइसकेको चेल्सी हाजार्डलाई गुमाउन चाहेको छैन । चेल्सीले हजार्डको सम्झौता अझै दुई वर्ष बाँकी रहेको अवस्थामा फेरि पाँच वर्षको नयाँ सम्झौता अघि सारेको छ

Leave a Reply

Your email address will not be published. Required fields are marked *